喫茶ちょうぼ

Open Now

Now Closed

銅鑼灣世貿中心裝修之後，我都係第一次嚟。而家呢度有好多新開嘅餐廳同cafe. 上星期去咗呢間集合和風日式cafe. 餐廳佈置優雅舒服。好有日式和西洋風的感覺。佢有窗邊座位，係望住維港景色。今次叫咗炸軟殼蟹扁意粉$98，味道不錯。軟殼蟹撈落意粉度食都幾好味。甜品：雪人布甸與牛奶大福盛$68飲品：白桃梳打$45，佢有D cream喺面頭。飲飲下D cream會撈左落梳打度，我就覺得冇咁好飲。同埋飲品比較細杯，好似俾小朋友教導飲咁。佢上餐嘅時間都正常，但係飲品我就等咗差唔多45分鐘先有。真係耐咗啲😅服務方面我覺得一般。除咗一位女同事服務好好同埋做事效率好高之外，其餘有兩位男員工都係一般。當我叫其中一位男侍應嘅時候，佢話等一等，但係之後佢都唔記得咗。可能嗰日係星期日，佢哋都比較忙。下次我都會想再嚟呢間試吓其他食物，因為環境的確係靚同幾舒服。但係希望下次佢哋嘅服務會有改進。