CoCo壹番屋 (新港中心)

Open Now

Now Closed

今日約左朋友去尖沙咀行街，大家諗緊去邊度食既時候，我提出想食咖哩系列，咁岩附近有coco壹番屋，於是就入左去食，我今日叫左咖哩吉列豬扒蛋包飯，跟餐再配一杯野飲和迷你小沙律。-咖哩吉列豬扒蛋包飯咖哩汁方面我叫左標準辣，佢有不同既辣度提供，包括，不辣、標準、1分辣、2分辣、3分辣、4分辣和5分辣，白飯方面都可以有不同選擇，有200g、標準300g、400g、500g、600g，我就揀左標準300g，另外，吉列豬扒脆卜卜，肉質都算嫩，蛋方面都好滑，如果你單點左一碟飯，可以加錢升級做套餐，佢有任選2款、3款、全選，我揀左任選2款，我揀左沙律和飲品，佢一共有4個選擇提供，包括: 雪糕、是日餐湯、沙律、飲品。-整體而言，咁既價錢，質素都唔錯的，而且份量方面可以依照自己需要調節，又唔會浪費食物。