黑木亭居酒屋 (金馬倫道)

是靚午又繼續喺尖沙嘴尋寶，平時返工放工每日都經過樓下嘅日本餐廳居然從來都無食過😭門口都幾隱蔽，好彩樓下放左餐牌，睇一睇價錢大約一百蚊左右，仲可以加錢揀半自助沙律吧。原來上到去空間都幾大，有啲唔似香港嘅餐廳，反而有啲似去左大阪😂點左個芝士流心玉子鰻魚飯同滑蛋豬扒飯，上到檯大份到呆左😳勁厚身嘅玉子加勁大件嘅饅魚同一大碗飯😭😭😭豬扒飯就更加誇張，堆到好似成座山咁高分開食兩餐都唔過份。味道方面就唔算特別出色，但地方都坐得幾舒服，而且午市唔需要加一，性價比一流，但女士就記得叫佢地比少啲飯！