黑木亭-お食事処 (玉成大廈) (Closed)

每次逛千色店，都會經過黑木亭呢間日式料理，今晚終於決定入去食餐靚靚日本餐。 嚟得早，餐廳未算好多人。坐低後，侍應就細心幫我地斟茶，又介紹店中有咩新鮮刺身、特色飲品，感覺非常親切。 我地就聽侍應嘅建議揀左二人晚餐。頭盤：🍣三點刺身盛 - 大大隻厚身鮑魚、鮮味三文魚及油甘魚。大大件，好抵食。 跟住就有同樣大大件嘅鰻魚牛蒡炸蝦卷🍤- 呢個炸物組合幾特別。啱啱炸好熱辣辣，牛蒡減低了炸物嘅肥膩感，食完都唔會有罪疚感😁。 主食：松葉蟹石頭鍋飯🥣-有蟹腳同新鮮嘅刺身；呢個價錢食到呢個餐，價錢合理。尤其係個顏色靚到絕嘅海膽，正！ 88MM直徑A5和牛球石頭鍋飯🥘-最開心係侍應會幫我地拌飯，唔洗驚燙熱會辣親手，好貼心。佢仲一邊講解要即拌嘅原因，係因為熱力要夠高，先至可以迫出A5和牛嘅油脂，飯味就會更香。 特色飲料：蜜桃烏龍熊茶🐻- 啤啤熊特飲甚得好友歡心，狂打卡。百香果特飲就酸甜度啱啱好，令人開胃，增加食慾。 總結係，買相、價錢、味道都唔錯，可以再嚟食過。