Video
Read full review
2019-03-21
63 views
作為元朗人，附近開新野梗係要試下。呢間”吟”價位ok，見入面又坐得幾舒服就試下啦。入到去，位置十幾個，鐵板有三塊，日式小店感覺，既溫暖又整潔。廚師發辦最好就係一個價位，坐低就有野食。剛開始有個沙律，可以食住睇廚師為你準備下一道菜。簡單講下分別幾道菜-黑松露蒸蛋，入面會有好多三文魚子。-帶子露荀，上面仲有煎香左既飛魚子粒。-煎活鮑魚，好生猛既鮑魚配埋抹茶冷麵，新鮮彈牙得黎冇得輸。-香煎鵝肝多士，好肥好大舊既鵝肝，仲配有冰凍水果粒減少油膩感。-砂糖麵包，中間食少少甜野幾香口。-金目鯛，個魚皮炸到好脆，十分可口。-蝦膏煎龍蝦，師傅好純熟既技巧就將龍蝦拆肉，而家龍蝦入面好多膏。-煎和牛，本身塊肉油花已經幾好，不過當然師傅識整好重要，仲叫我地分3 Parts食。-鯛魚濃湯，入面好足料，而且鮮味十足。- 炒飯，用左岩岩既和牛邊位黎炒，有油香，粒粒分明。- 大福，蜜瓜味好食。整體服務唔錯，師傅都一直會同我地講解食材又會傾下計，野食性價比幾高，同樣食物出尖沙咀可能要多一倍價錢。
入到去，位置十幾個，鐵板有三塊，日式小店感覺，既溫暖又整潔。
廚師發辦最好就係一個價位，坐低就有野食。剛開始有個沙律，可以食住睇廚師為你準備下一道菜。
簡單講下分別幾道菜
-黑松露蒸蛋，入面會有好多三文魚子。
-帶子露荀，上面仲有煎香左既飛魚子粒。
-煎活鮑魚，好生猛既鮑魚配埋抹茶冷麵，新鮮彈牙得黎冇得輸。
-香煎鵝肝多士，好肥好大舊既鵝肝，仲配有冰凍水果粒減少油膩感。
-砂糖麵包，中間食少少甜野幾香口。
-金目鯛，個魚皮炸到好脆，十分可口。
-蝦膏煎龍蝦，師傅好純熟既技巧就將龍蝦拆肉，而家龍蝦入面好多膏。
-煎和牛，本身塊肉油花已經幾好，不過當然師傅識整好重要，仲叫我地分3 Parts食。
-鯛魚濃湯，入面好足料，而且鮮味十足。
- 炒飯，用左岩岩既和牛邊位黎炒，有油香，粒粒分明。
- 大福，蜜瓜味好食。
整體服務唔錯，師傅都一直會同我地講解食材又會傾下計，野食性價比幾高，同樣食物出尖沙咀可能要多一倍價錢。
Post
