鉄人旨花 (Closed)

薄燒鰻魚一尾定食 HKD168第一眼見到呢隻碟就覺得似曾相識，返到屋企先發現，原來呀爸平時就係用佢嚟蒸魚。原條鰻魚訓嚮眼前的確係幾吸引，加上香濃嘅蒲燒汁，令人食指大動。不過條魚都幾肥，成口油，好油膩，食到有啲滯滯地，老實講168蚊其實算貴～鐵人旨花丼 HKD388鐵人旨花嘅招牌丼賣相相當吸引，就好似將一道刺身拼盤擺咗嚮丼面咁。佢嘅用料刺身包括：牡丹蝦、三文魚、油甘魚、季節魚、帶子、拖羅、拖羅蓉、海膽、赤身、魚子、海鰻、右口魚邊。整體嚟講，刺身質素都屬中上，齋講味道嘅話的確唔錯，不過要成400一碗就認真太貴喇～唔好睇佢好似好大碗咁，其實碗口嘅面積仲細過一隻手掌攤開，而且每款刺身只係得一件，所以一啲都唔抵食。同埋佢個飯真係整得好差，飯粒好黐，質感偏爛，壓到好實一嚿咁，口感仲差過7仔飯糰，食咗兩啖就唔想再食。不過為咗唔想浪費，所以最後都局住食哂～其實醋味控制得幾好嘅，只係質感問題。