Video
Read full review
2019-09-29
50 views
喺中環威靈頓街嘅一間日本小店，遠處就見到10層海膽杯嘅宣傳，話俾我哋知要行去嘅方向，然後見到一個細細的門口行到入去係有好多清酒嘅裝飾，仲有bar枱，好有日本嘅感覺啊！樣樣都想試但又無乜idea,早幾日先食完刺身壽司，所以就將決定交俾廚師點知有好多新嘗試👉🏻小女子合桃：係小女子魚加合桃，仲有少少白芝蔴係面，好香帶有少少甜味，以小食開頭，好期待下一款食物👉🏻黑松露蘆筍卷好特別嘅質感，蘆筍好粗咬落去口感好爽又清新，外面嘅紫菜炸得好脆，上面有蟹籽沙律同黑松露，估唔到日本菜會有呢類西餐常見嘅食物，真係幾驚喜！我地坐bar枱，睇住廚師切，真係成條青瓜咁大👉🏻黑松露櫻花蝦帶子新鮮嘅配搭，好睇更好食，帶子肥美嫩滑，松露同櫻花蝦令帶子生色不少，加上蔬菜，鮮味更突出👉🏻海膽天婦羅平日食海膽通常都係刺身，一係就係炒飯啦，都冇試過一啲真係煮過感覺，呢個海膽天婦羅真係好有新鮮感，出面係炸好咗嘅紫菜非常爽脆，入面係好鮮味嘅海膽，出面嘅溫度完全冇影響入邊嘅肉質，仲係好鮮味好滑，而且海膽份量一啲都唔小架，大大啖係口裏面真係好滿足呀！👉🏻胡瓜魚卷呢個就最適合夏天食物裏面係好清新嘅胡瓜，仲有魚生片捲埋一齊，下邊仲有啲大大
樣樣都想試但又無乜idea,早幾日先食完刺身壽司，所以就將決定交俾廚師點知有好多新嘗試
👉🏻小女子合桃：係小女子魚加合桃，仲有少少白芝蔴係面，好香帶有少少甜味，以小食開頭，好期待下一款食物
👉🏻黑松露蘆筍卷
好特別嘅質感，蘆筍好粗咬落去口感好爽又清新，外面嘅紫菜炸得好脆，上面有蟹籽沙律同黑松露，估唔到日本菜會有呢類西餐常見嘅食物，真係幾驚喜！
我地坐bar枱，睇住廚師切，真係成條青瓜咁大
👉🏻黑松露櫻花蝦帶子
新鮮嘅配搭，好睇更好食，帶子肥美嫩滑，松露同櫻花蝦令帶子生色不少，加上蔬菜，鮮味更突出
👉🏻海膽天婦羅
平日食海膽通常都係刺身，一係就係炒飯啦，都冇試過一啲真係煮過感覺，呢個海膽天婦羅真係好有新鮮感，出面係炸好咗嘅紫菜非常爽脆，入面係好鮮味嘅海膽，出面嘅溫度完全冇影響入邊嘅肉質，仲係好鮮味好滑，而且海膽份量一啲都唔小架，大大啖係口裏面真係好滿足呀！
👉🏻胡瓜魚卷
呢個就最適合夏天食物裏面係好清新嘅胡瓜，仲有魚生片捲埋一齊，下邊仲有啲大大粒嘅魚子，最底係少少酸甜嘅汁，加埋一齊真係好開胃呀!
👉🏻鵝肝多士
我諗應該冇人諗過會喺呢度食到鵝肝多士，但係手法一啲都唔失禮，味道好值得讚，鵝肝煎得啱啱好，咬落去嗰種嘅油脂香味飄出嚟再留係口中，雖然好有罪惡感咁但係都令人好滿足呀！多士好香脆，一件咁細嘅多士都有幾種唔同嘅味道同口感，都真係幾有心思。
👉🏻柚子烏冬
柚子蜜就飲得多啦成杯都係甜嘅，但係將柚子整成鹹嘅嘢，除咗有子雞翼之外呢個都算係我第二次嘅嘗試。烏冬比較清新，柚子味亦都係一樣，非常之夾，呢度嘅烏冬好彈牙，上面仲有啲甜蛋絲，我覺得真係好夾呀！
日式芝士蛋糕
食咗咁多嘢都咪話唔飽啊，好彩一路都有侍應加茶等我哋一路飲一路消化。最後仲有呢個日本芝士蛋糕做一個完美嘅句號。芝士味非常之香濃，又唔會太甜，咬落去好滑，芝士味非常之濃郁，但係又唔會好似美式嗰種味道太強，啱啱雪櫃攞出黎可能相對硬少少，但係擺一陣就啱啱好啦！
總結來講係一餐好有驚喜同好滿足嘅晚餐，以後要多啲黎附近發掘下唔同種類嘅小店先得！
後記：日頭就好清楚見到門牌上面嘅S2招牌，但去到夜晚呢認住呢串彩色嘅燈就夠啦，望落去同之前人地upload嘅圖真d唔同，唔使質疑自己驚行錯路啦，就係呢度!
喜歡坐吧枱的原因:食係一整個過程，欣賞到廚師點樣由食材開始去切同埋烹調，其實都係食嘢嘅樂趣嚟㗎！加上處理食材時自己睇到一定乾淨，食得安心。
Post
