MR. MAKI (保和大廈) (Closed)

通常啲人以為灣仔就一定係舊區嘅代表，但係其實一啲都唔係。當區餐廳其實非常之新穎，今日就嚟一間裝修新穎，食品都好新潮嘅日式餐廳。首先就係叫咗個”魚全部都係魚”配叉燒醬油烏冬，啱晒啲大胃王。佢嘅魚卷有吞拿魚拖羅，吞拿魚赤身，三文魚，蟹子，仲要口感勁好，因為佢有啲脆脆。仲有成8件咁多。烏冬就正正常常啦，仲有兩塊腐皮喺度，同一舊叉燒😛仲嗌咗三文魚兩味同埋先生炸雞四件配日式沙律，仲有波子汽水味梳打。三文魚兩味有醃三文魚同刺身三文魚，粟米，牛油果，椰菜，仲要有好多飯，非常豐富。炸雞都炸得恰到好處唔會太油膩。食完非常滿足。真係一間值得推薦嘅新穎，日式小店。嚟開灣仔一定必食。