火山燒 (Closed)

今日放假去南豐紗廠，所以順道喺荃灣覓食，經過呢間日式小店《火山燒》裝修格局都不錯😀，所以入去食個午餐先😌！安格斯封門柳配珍珠飯 $108份量大約180g，肉質脂肪均勻，熱石高溫又快熟，焦香味撲鼻，原味食已經好好味，鍾意食濃味就可以沾上泰式醬和燒汁，熱辣辣夠哂惹味👍🏻👍🏻！日本蜆帝皇蟹柳手打湯烏冬 $77配料有冬菇、日式魚蛋、蟹柳和蜆，最鍾意食蜆既我🥰就啱晒，一碗差唔多有成十幾隻蜆，雖然蜆肉不大，但最緊要冇沙和鮮甜，加上烏冬又彈牙，整體不錯😌！滋味熱狗皇 $39見剛好下午茶時間，點多個餐試試先，大大份賣相一流😋薯條即點即炸脆卜卜，每個餐都會配上餐湯和飲品，性價比都好高👍🏻👍🏻！