Video
Read full review
2019-06-17
422 views
2019年6月12日 星期三今日嘅心情實在太沉重，沉重到屋企唔想煮飯，所以就叫埋女朋友同佢屋企人落樓下食就算去咗食呢間日本野，平時見有好多人喺門口排隊，今晚難得一去到就有位坐，裡面唔算好大，但坐落都算舒適冇乜心情所以淨係叫咗個四人餐就算，見到都有幾多食物，應該夠食先黎嘅係刺身，有4款唔同既刺身，當中最欣賞既係三文魚，因為好厚切，而蝦都好大隻之後有芒果蟹子沙律，上面有兩片大大塊既芒果，酸酸甜甜，而下面有青瓜絲同埋蟹子既沙津，幾清新開胃跟住有自家製吉列蠔，每一舊蠔真係大細唔一樣，咬落去熱辣辣，出面個麵包炸衣好脆呢個係明太子醬燒茄子，之前完全未試過，估唔到又出奇地配合，本身茄子冇乜味道，但係加咗明太子醬之後就有少少辣辣地，幾野味之後係雜錦壽司拼盤，每一款都幾大件，當中仲有海膽添！！其中幾欣賞果四舊特色卷，用左鰻魚取代紫菜包住d飯，裡面仲有牛油果、玉子、青瓜等材料，食落口感好豐富跟住係美國安格斯肉眼，上碟既時候已經切好左一舊舊，上面仲鋪左炸蒜粒，連埋一齊食更加滋味。牛扒好多肉汁而且好腍，仲有好香肉味添，每一舊都有少少脂肪，所以食落去會充滿油脂。最後既主菜係鰻魚炒烏冬，表面上好似唔係好大份咁，但
今日嘅心情實在太沉重，沉重到屋企唔想煮飯，所以就叫埋女朋友同佢屋企人落樓下食就算
去咗食呢間日本野，平時見有好多人喺門口排隊，今晚難得一去到就有位坐，裡面唔算好大，但坐落都算舒適
冇乜心情所以淨係叫咗個四人餐就算，見到都有幾多食物，應該夠食
東京築地四點刺身
45 views
0 likes
0 comments
先黎嘅係刺身，有4款唔同既刺身，當中最欣賞既係三文魚，因為好厚切，而蝦都好大隻
芒果蟹子沙律
14 views
0 likes
0 comments
之後有芒果蟹子沙律，上面有兩片大大塊既芒果，酸酸甜甜，而下面有青瓜絲同埋蟹子既沙津，幾清新開胃
吉列蠔
16 views
0 likes
0 comments
跟住有自家製吉列蠔，每一舊蠔真係大細唔一樣，咬落去熱辣辣，出面個麵包炸衣好脆
明太子醬燒茄子
10 views
0 likes
0 comments
呢個係明太子醬燒茄子，之前完全未試過，估唔到又出奇地配合，本身茄子冇乜味道，但係加咗明太子醬之後就有少少辣辣地，幾野味
雜錦壽司
11 views
0 likes
0 comments
之後係雜錦壽司拼盤，每一款都幾大件，當中仲有海膽添！！其中幾欣賞果四舊特色卷，用左鰻魚取代紫菜包住d飯，裡面仲有牛油果、玉子、青瓜等材料，食落口感好豐富
美國安格斯牛肉眼扒
9 views
0 likes
0 comments
跟住係美國安格斯肉眼，上碟既時候已經切好左一舊舊，上面仲鋪左炸蒜粒，連埋一齊食更加滋味。牛扒好多肉汁而且好腍，仲有好香肉味添，每一舊都有少少脂肪，所以食落去會充滿油脂。
鰻魚炒烏冬
4 views
0 likes
0 comments
最後既主菜係鰻魚炒烏冬，表面上好似唔係好大份咁，但食落竟然愈食都仲有，當中鰻魚原來有好多，師傅切開做一粒粒，所以夾到既每一啖都有鰻魚，加上落左個燒鰻魚醬一齊炒烏冬，令到成個菜式更加野味
生果拼盤
5 views
0 likes
0 comments
最後仲有生果拼盤，有西瓜同提子，份量好多，而且好清甜，解左之前食物既油膩
加埋一每人大約二百幾，都唔錯喇
Post
