Video
Read full review
2023-10-25
166 views
放假約老友係屯門食晚餐，唔想食得太豪華又唔想咁求其，係華都搵到呢間主打日式丼飯既小店，老友又特別喜愛日式料理，咁就一於試試啦。入去坐底，小店環境不大，十張枱左右，大部分都4人枱，人多時會比較迫d，當日就唔算多客人，所以都比較舒服，睇下餐牌，主打都係丼飯，款式都唔少，唔食飯都有麵同烏冬，仲有d小食選擇。麵豉湯落單後先送上1碗麵豉湯，我覺得味道略淡少少，配料不多有少少魚板。蟹國天丼可能客人不多既關係，落單10分鐘左右就到餐了，試試佢地既招牌no1既蟹國天丼，有炸軟殼蟹，大量既蟹籽同芝士蟹籽，蟹肉同蟹膏，睇到都覺得豐富，軟殼蟹係新鮮炸，非常香脆，大量蟹籽撈飯增加口感，蟹肉量都唔少，蟹膏就略少左d，飯量都幾多食得好飽，唯獨是飯睇落唔似係珍珠米，略為有少許失色，另外加48蚊套餐有八爪魚同帶子刺身，麻醬菠菜沙律，麵豉湯同汽水，刺身都幾鮮甜唔錯，不過加48蚊我覺略為高左少少。汁燒鰻魚丼老友揀既是日套餐，鰻魚有2大塊，質素正常，老友話d汁咸左少少，飯一樣唔係珍珠米，所有野正常發揮，比較抵就係套餐包埋芝麻雞翼，菠菜沙律，麵豉湯同紙包飲品，感覺比較抵食d。整體而言餐廳食物質素尚算唔錯，進步空間係有，但小店
入去坐底，小店環境不大，十張枱左右，大部分都4人枱，人多時會比較迫d，當日就唔算多客人，所以都比較舒服，睇下餐牌，主打都係丼飯，款式都唔少，唔食飯都有麵同烏冬，仲有d小食選擇。
麵豉湯
落單後先送上1碗麵豉湯，我覺得味道略淡少少，配料不多有少少魚板。
麵豉湯
4 views
0 likes
0 comments
蟹國天丼
可能客人不多既關係，落單10分鐘左右就到餐了，試試佢地既招牌no1既蟹國天丼，有炸軟殼蟹，大量既蟹籽同芝士蟹籽，蟹肉同蟹膏，睇到都覺得豐富，軟殼蟹係新鮮炸，非常香脆，大量蟹籽撈飯增加口感，蟹肉量都唔少，蟹膏就略少左d，飯量都幾多食得好飽，唯獨是飯睇落唔似係珍珠米，略為有少許失色，另外加48蚊套餐有八爪魚同帶子刺身，麻醬菠菜沙律，麵豉湯同汽水，刺身都幾鮮甜唔錯，不過加48蚊我覺略為高左少少。
蟹國天丼跟套餐
$176
2 views
0 likes
0 comments
汁燒鰻魚丼
老友揀既是日套餐，鰻魚有2大塊，質素正常，老友話d汁咸左少少，飯一樣唔係珍珠米，所有野正常發揮，比較抵就係套餐包埋芝麻雞翼，菠菜沙律，麵豉湯同紙包飲品，感覺比較抵食d。
汁燒鰻魚丼
$88
3 views
0 likes
0 comments
整體而言餐廳食物質素尚算唔錯，進步空間係有，但小店經營價錢都合理，食物都有特色份量足，環境都幾乾淨服務員態度都唔錯，可以再食。
Post
