居酒屋·姫 (Closed)

上星期五去咗尖沙咀居酒屋，舖頭入面真係好有居酒屋感覺，牆上貼滿清酒logo，仲有少少裝飾佈置，星期五多人食飯，較有氣氛🍣嚴選八款刺身💰$780有海膽、拖拿、油甘魚、帆立貝、牡丹蝦、鮫鰈魚、深海池魚、金目鯛全部勁新鮮又厚身，魚油豐富，海膽甜美，鐘意金目鯛沾上酸汁，好提鮮🉐🥗巴馬火腿軟殼蟹野菜沙律卷💰$98似係越南透明春卷皮包住香酥軟殼蟹，加埋Parma ham，有酸汁係底，勁勁好食，好欣賞🉐🍙稚鮎天婦羅手卷💰$48首嚐天婦拿製法作手卷，味道肉質似沙甸魚，中間位微苦🐮A5石垣牛石燒💰$499油脂滿滿，食一件已經好滿足🐥阿波尾系列💰$148有雞翼、雞心、雞肝、雞頸、雞皮，雞皮好香好邪惡，每款都燒得好食🍢黑豚腩廣島蠔卷💰$88廣島蠔咁軟身原來都可以用豚肉包住食，香口蠔味濃🍢黑豚腩年糕卷💰$38黑豚腩沾滿秘製醬汁，濃郁惹味，包住年糕口感特別有趣，煙煙韌韌，超出期望🉐🐟手挽鹽燒鮎魚💰$98燒過嘅魚特別香，質地又滑🦀蟹雜炊💰$468非常鮮甜，冇多餘味精，好多蟹肉🉐🐡甘鯛立鱗燒💰$158皮脆魚質滑，開始開上立鱗燒🥛北海道牛乳布甸💰$48可接受的奶味，好滑🍇巨峰梳打🍶姫 推薦清酒💰$3174/4ppl🚩