Video
Read full review
2024-10-22
550 views
今日難得星期日做完運動，好想食返餐好嘅。最近好掛住喺日本食居酒屋嘅感覺，所以就喺旺角搵咗一間居酒屋，試吓佢嘅質素如何。呢間居酒屋分為上下兩層，下層係好似Bar枱咁樣嘅座位，而上層就有卡位同埋雙人位，位置稍為有少少迫，但就正正有居酒屋嘅感覺。٩(˃̶͈̀௰˂̶͈́)و汁煮左口魚群邊 $148佢呢個左口魚裙邊好香魚味，而且擺盤好精緻，有三文魚子加魚子醬嘅組合，令到成個前菜層次十足，加埋佢浸咗喺有淡香嘅調味汁入面，成個裙邊有外面同入邊都有好多種唔同嘅味道。雜錦天婦羅 $168呢個天婦羅非常之香口，入面有好多種唔同嘅食材，有南瓜、蝦、菇等等。通常喺香港食天婦羅都會好大油益味，但係佢嘅天婦羅一啲都唔油，好乾身好脆。明太子燒 $108呢個明太子燒係原條咁樣消耗，加埋一啲炸蒜喺隔離作為調味，就咁食有少少鹹，不過加埋落去其他食物入邊，成個組合就變得好香，作為前菜係一個唔錯嘅選擇。鮮蟹肉粥 $168本身諗住食居酒屋叫粥應該份量唔會好大，但係佢呢個粥係成盤，而且入邊有好多蟹肉、紫菜、同原條蟹肉條，每一啖都能夠食到蟹嘅香味。極上鹽燒牛舌芯 $128去居酒屋一定要食燒物，所以我就叫咗呢個牛舌，佢嘅牛舌燒得外脆內軟，非常香
٩(˃̶͈̀௰˂̶͈́)و
汁煮左口魚群邊 $148
佢呢個左口魚裙邊好香魚味，而且擺盤好精緻，有三文魚子加魚子醬嘅組合，令到成個前菜層次十足，加埋佢浸咗喺有淡香嘅調味汁入面，成個裙邊有外面同入邊都有好多種唔同嘅味道。
雜錦天婦羅 $168
呢個天婦羅非常之香口，入面有好多種唔同嘅食材，有南瓜、蝦、菇等等。通常喺香港食天婦羅都會好大油益味，但係佢嘅天婦羅一啲都唔油，好乾身好脆。
明太子燒 $108
呢個明太子燒係原條咁樣消耗，加埋一啲炸蒜喺隔離作為調味，就咁食有少少鹹，不過加埋落去其他食物入邊，成個組合就變得好香，作為前菜係一個唔錯嘅選擇。
鮮蟹肉粥 $168
本身諗住食居酒屋叫粥應該份量唔會好大，但係佢呢個粥係成盤，而且入邊有好多蟹肉、紫菜、同原條蟹肉條，每一啖都能夠食到蟹嘅香味。
極上鹽燒牛舌芯 $128
去居酒屋一定要食燒物，所以我就叫咗呢個牛舌，佢嘅牛舌燒得外脆內軟，非常香口，一啲都唔韌，配搭埋檸檬汁真係一流。
Post
