Video
Read full review
2023-12-26
130 views
👍🏻芋泥肉鬆蛋吐司 $88觀塘新開冇耐嘅Cafe，裝修設計走日式昭和復古風格，主打芋圓小丸子手作甜品、芋泥麻糬吐司等輕食，仲有各款意粉、燉飯、多款咖啡特飲等等🌟呢度招牌之一大甲芋泥，超級大球成個拳頭咁大🤣芋泥本身唔太甜，保留返原有甜味同芋頭香味，咬到有粒粒芋頭肉，口感綿滑加埋鹹香肉鬆同太陽蛋流汁，配菜仲有薯條同沙律，輕食份量都幾多，女仔夠晒飽肚-👍🏻蟹肉蟹籽明太子意粉 $138大量蟹籽撈埋蟹肉同明太子醬，蟹鮮味比起明太子嘅鹹辣明顯醬汁適量，唔係好濕好漏嗰種，意粉亦唔會煮得太腍，cafe嚟講味道同份量唔錯-👍🏻草莓抹茶冰 $78本月限定甜品！天氣開始涼都要食冰🤪口感綿密，比想像中大份，足夠兩至三個人share食做飯後甜品，賣相幾啱打卡係經典嘅甜品抹茶味，牛奶味重，沙冰嚟講味道都算濃，溶咗好似飲緊抹茶奶咁，唔會成灘水咁淡茂茂淋上適量朱古力醬，圍邊士多啤梨夠甜，仲有三粒小丸子，煙煙韌韌😙-🔸桂花拿鐵咖啡(跟餐半價) +$24呢個幾特別，明顯嘅桂花香味，奶味比啡味重，甜度適中-🔸大甲芋泥豆漿(跟餐半價) +$20加入呢度招牌嘅大甲芋泥，豆漿撈埋芋泥後質感變得濃稠，整體唔甜，入口順滑唔膩-味道：
觀塘新開冇耐嘅Cafe，裝修設計走日式昭和復古風格，主打芋圓小丸子手作甜品、芋泥麻糬吐司等輕食，仲有各款意粉、燉飯、多款咖啡特飲等等🌟
呢度招牌之一大甲芋泥，超級大球成個拳頭咁大🤣
芋泥本身唔太甜，保留返原有甜味同芋頭香味，咬到有粒粒芋頭肉，口感綿滑
加埋鹹香肉鬆同太陽蛋流汁，配菜仲有薯條同沙律，輕食份量都幾多，女仔夠晒飽肚
-
👍🏻蟹肉蟹籽明太子意粉 $138
大量蟹籽撈埋蟹肉同明太子醬，蟹鮮味比起明太子嘅鹹辣明顯
醬汁適量，唔係好濕好漏嗰種，意粉亦唔會煮得太腍，cafe嚟講味道同份量唔錯
-
👍🏻草莓抹茶冰 $78
本月限定甜品！天氣開始涼都要食冰🤪
口感綿密，比想像中大份，足夠兩至三個人share食做飯後甜品，賣相幾啱打卡
係經典嘅甜品抹茶味，牛奶味重，沙冰嚟講味道都算濃，溶咗好似飲緊抹茶奶咁，唔會成灘水咁淡茂茂
淋上適量朱古力醬，圍邊士多啤梨夠甜，仲有三粒小丸子，煙煙韌韌😙
-
🔸桂花拿鐵咖啡(跟餐半價) +$24
呢個幾特別，明顯嘅桂花香味，奶味比啡味重，甜度適中
-
🔸大甲芋泥豆漿(跟餐半價) +$20
加入呢度招牌嘅大甲芋泥，豆漿撈埋芋泥後質感變得濃稠，整體唔甜，入口順滑唔膩
-
味道：7/10
性價比：8/10
-
📍 The Parking Coffee & Food
觀塘興業街18號美興工業大廈A座1樓C1號舖
Post
