MR. MAKI (保和大廈) (Closed)

魚全部都係魚 ($69)呢個組合冇得頂！首先係三文魚卷，面頭係相當大方既吞拿魚拖羅蓉同蟹子😋每件都有好多拖羅蓉，好新鮮，肥美香滑，平時中意食拖羅蓉軍艦既話一定要嗌。日式沙律 • 炸雞 • 荔枝烏龍茶 (+$15)炸雞本身有啲蜜糖芥茉，同埋都幾大件。卷物加埋炸雞一定夠飽。荔枝烏龍茶好飲，唔太甜荔枝味又出。麻麻地軟殼蟹 ($59)個名好誤導，因為唔係麻麻地而係用咗麻辣沙律醬🤣 軟殼蟹好脆配埋牛油果同青瓜，口感豐富，連埋仲麻辣沙律醬，唔洗鼓油芥辣都好好食。日式沙律 • 蕃薯條 • 波子汽水 (+$20)蕃薯條好好食！好實在既蕃薯，外脆內好香甜，真係炸蕃薯既感覺。