Video
Read full review
2018-09-16
178 views
住喺荃灣嘅朋友如果想食日本手卷第一時間都係諗不如過葵芳食啦，嗰邊嘅食物選擇比較多啲。不過有時懶起上嚟真係連一個兩個站嘅地鐵都唔想搭，不過行過路德圍食糖水 ，嗰邊條街見到一間新開嘅日本手卷店叫做-櫻。鋪頭貼滿晒唔同嘅手卷真係非常之吸引所以就立即試吓！鋪頭大概最少都有30款唔同嘅手卷同埋有飯食嘅，見得到價錢其實都真係非常之親民～平嘅$20唔使嘅飛魚子手卷去到大大粒嘅帶子甜蝦手卷講緊都係$42，呢個價錢係呢個地段就真係非常之抵食嘅。我自己首先就叫咗一個三文魚腩手卷，之後見到佢有一個飯個名幾特別嘅叫做蟹將軍丼，成個飯都係用蟹來做主題有軟殼蟹啦蟹子蟹棒，一睇到就覺得非常之豐富！三文魚腩用得非常之充足，大概都有半隻手掌咁大塊嘅三文魚腩，非常之厚身。壽司飯嘅飯身亦都係非常之鬆軟，三文魚腩魚油非常之肥美～每一啖都令你非常滿足！蟹將軍當一上枱嘅時間真係好壯觀，個軟殼蟹真係有差唔多一隻手掌咁大！仲要係炸得啱啱好唔會有油膩嘅感覺，咬落口係非常之鬆脆～你可以試吓配合蟹子一齊食嘅時間，軟殼蟹鬆脆加上蟹子一粒粒彈牙嘅口感，再加上蟹子箇中充滿着海鮮鹹香嘅鮮味，兩者真係配合得天衣無縫！食到最後仲可以用紫菜包住蟹棒食，
住喺荃灣嘅朋友如果想食日本手卷第一時間都係諗不如過葵芳食啦，嗰邊嘅食物選擇比較多啲。
不過有時懶起上嚟真係連一個兩個站嘅地鐵都唔想搭，不過行過路德圍食糖水 ，嗰邊條街見到一間新開嘅日本手卷店叫做-櫻。
鋪頭貼滿晒唔同嘅手卷真係非常之吸引所以就立即試吓！
鋪頭大概最少都有30款唔同嘅手卷同埋有飯食嘅，見得到價錢其實都真係非常之親民～
平嘅$20唔使嘅飛魚子手卷去到大大粒嘅帶子甜蝦手卷講緊都係$42，呢個價錢係呢個地段就真係非常之抵食嘅。
我自己首先就叫咗一個三文魚腩手卷，
之後見到佢有一個飯個名幾特別嘅叫做蟹將軍丼，成個飯都係用蟹來做主題有軟殼蟹啦蟹子蟹棒，一睇到就覺得非常之豐富！
三文魚腩用得非常之充足，大概都有半隻手掌咁大塊嘅三文魚腩，非常之厚身。
壽司飯嘅飯身亦都係非常之鬆軟，三文魚腩魚油非常之肥美～
每一啖都令你非常滿足！
蟹將軍當一上枱嘅時間真係好壯觀，
個軟殼蟹真係有差唔多一隻手掌咁大！
仲要係炸得啱啱好唔會有油膩嘅感覺，
咬落口係非常之鬆脆～
你可以試吓配合蟹子一齊食嘅時間，
軟殼蟹鬆脆加上蟹子一粒粒彈牙嘅口感，
再加上蟹子箇中充滿着海鮮鹹香嘅鮮味，
兩者真係配合得天衣無縫！
食到最後仲可以用紫菜包住蟹棒食，再加小小Wasabi，口感清新又刺激！
朋友就叫左甜蝦手卷同鰻魚飯 都見賣相唔差仲食得津津有味～
我都忍唔住試左啖 ，鰻魚汁好濃郁，魚肉又滑，認真唔錯！
而家唔使需要去到葵芳先至可以食到好味嘅手卷，呢度用料足又新鮮，係荃灣都可以食到好味既手卷～食完仲可以去隔離食下甜品添！
Post
