ADO洋食屋

Open Now

Now Closed

位於大型商場附近嘅小店，門口樸實懷舊，店內日式懷舊風。深色木系，玻璃窗格，茶色玻璃罩燈，連店員都好日系。主食加$25升級套餐：是日餐湯+前菜+飲品。🥣是日餐湯：似係薯仔忌廉湯幼滑香濃，麵包粒增加口感。🥗前菜：涼拌藕片爽脆入味。🥘主食：紅酒燉牛肋條 $88香濃汁醬，配上奶油，香草，經典嘅日式味道。牛肋條夠淋又入味，器皿和食物十分夠熱，香氣撲鼻，食到最後一舊溫度依然。太好下飯，唔小心食晒啲汁😆。🍛主食：明太子奶醬蛋包飯 $118打卡系列，蛋香滑，配上酸甜茄汁飯，奶醬，味道不錯。☕飲品：拿鐵咖啡 (H) +$10心型拉花靚，奶香滑，不錯。🍵飲品：抹茶拿鐵 (H) +$10見好多枱都叫凍抹茶拿鐵，但唔想飲凍，叫左熱。抹茶香濃夠味，除左好飲，驚喜係超靚拉花😍。🍰烘茶巴斯克芝士蛋糕 $52非想像中嘅巴斯克，成件cake似滑滑芝士蛋糕。味道OK，烘茶可更濃。