Villa Villa (Closed)

大角咀一帶夜晚燈光火着，食肆種類繁多，今次選擇咗呢間比較新式嘅日式意式fusion菜試下。店外望入去已經俾佢嘅裝修吸引住，與一般café比比較光猛，感覺乾淨舒服。以平日晚上而言，店內客人都不少。食物方面，我同朋友就點左凱薩沙律、鵝肝多士、雙層芝士脆薄餅同埋玫瑰花乳酸特飲。凱薩沙律生菜作底，上面舖住滿滿芝士粉，加上風乾火腿同埋煙三文魚，味道視覺都滿足到。而店員仲特別推介餐廳自己焗嘅蒜蓉包，可惜本身唔係蒜蓉愛好者，試落覺得蒜味十足，喜愛蒜香嘅食客應該會幾鐘意。鵝肝多士係厚厚嘅意式麵飽上面，加上一塊煎至金黃色嘅鵝肝，賣相都已經令人流哂口水。食落口都完全冇失望，鵝肝濃濃嘅油香一咬落去就散發出來，而意式麵飽剛剛與油膩嘅感覺平衡返，係很好嘅配搭。雙層芝士脆薄餅呢一款薄餅可以加錢選配料，我地選擇左水牛芝士同埋煙三文魚。後來發覺本身嘅雙層芝士已經極厚，個人建議可以唔加水牛芝士而選擇其他配料。剛剛焗出來嘅雙層芝士份量十足，輕易做出邪惡拉絲🤣🤣。而食落口厚厚嘅芝士同脆口嘅薄餅底，一軟一脆，口感豐富。玫瑰花乳酸特飲飲品睇落幾靚，乳酸飲品上灑上玫瑰花碎。味道都唔錯，但個人覺得玫瑰花味不太重。同員工口中得知，餐