麺屋こころ

Open Now

Now Closed

之前食過一次就我念念不【麺屋こころ】，今次我同朋友跑去元朗嘅分行，點咗唔同嘅食物，味道依然無得頂，係我心目中Top 1嘅撈麵👍🏻正宗全料東京撈麵🍜第一次去嘅朋友們必點呢碗麵！呢碗麵有12款材料，例如豬腩、生蛋黃、辣肉碎、溏心蛋、紫菜、蔥花、韭菜、竹筍、紫菜碎、生蒜、魚粉同小麥麵！份量好足仲可以揀普通份量或者加大份量，真係特別爽！豬腩肉特別有嚼勁，搭配生蛋黃變得更滑嫩好食，簡直係人間美味～咖喱炸雞撈麵🍜濃郁嘅日本咖喱配上酥脆嘅炸雞，再將生蛋黃攪散，帶出微辣嘅咖喱香，雞肉嘅甜美與蛋香味完美結合，口感瞬間提升咗唔少，特別推薦畀鍾意品嘗日本咖喱嘅愛好者！！雞皮餃子雞皮餃子帶有油脂嘅香氣，配上金黃酥脆嘅外皮，每一口都特別享受，同時亦好適合同撈麵一齊享用。第二次嘅探索令我更加鍾意呢間餐廳嘅撈麵，下次我仲要嚟品嘗其他食物同飲品！