Video
Read full review
2015-06-10
7053 views
日式放題餐廳開到成行成市，但我從來未去過，好大鄉里呀！ 有人請，lue飯應啦!餐廳開在樓上，枱與枱之間排得好密，幸好每個坐位不太窄，出入也方便。平日也客滿，好彩早嚟。加$18清酒任飲。 一疊疊點菜紙，清清楚楚，任揀任食。飲品我揀咗綠茶和忌廉鮮奶，現成飲品，不過幾好味，啱飲。忌廉溝鮮奶好似是上一代飲品喎，潮流興懷舊。 外表平平無奇的炒雜菜，份量好多，出奇的好味，唔知有乜秘方。 反而金菇牛肉卷就一般，牛肉味道也不錯。田園沙律很清新爽口，食完仲開胃。 裙邊帶子就一般，都幾爽。鹽燒雞翼好香，好熱。 鹽燒大蝦，脆到連殼都食埋，不過大隻番啲好喎。 最攪笑係超迷你蕃薯，上枱唔知係乜，以為上錯。兩粒串埋一齊。又大鄉里啦！我未見過咁細隻蕃薯，唔知邊度有得賣。唔知係咪細嘅原因，蕃薯特別甜。Encore咗。 火灸海鰻和火灸組長蝦，很香鰻魚醬帶甜。 叫咗义燒拉麵，唔記得大特寫大大嚿的厚切义燒添，拉麵有點像意粉，飽肚，仲有好多紫菜。 仲食咗碗好好味的蟹粥，又唔記得影相，蟹粥好多材料，好多蟹羔。 天婦羅通常食蝦實無衰，大蝦天婦羅，無揀錯，不過如果隻蝦大隻啲就更好。嘩！嘩！嘩！有驚喜
餐廳開在樓上，枱與枱之間排得好密，幸好每個坐位不太窄，出入也方便。平日也客滿，好彩早嚟。
加$18清酒任飲。
一疊疊點菜紙，清清楚楚，任揀任食。
飲品我揀咗綠茶和忌廉鮮奶，現成飲品，不過幾好味，啱飲。忌廉溝鮮奶好似是上一代飲品喎，潮流興懷舊。
外表平平無奇的炒雜菜，份量好多，出奇的好味，唔知有乜秘方。 反而金菇牛肉卷就一般，牛肉味道也不錯。
田園沙律很清新爽口，食完仲開胃。 裙邊帶子就一般，都幾爽。
鹽燒雞翼好香，好熱。
鹽燒大蝦，脆到連殼都食埋，不過大隻番啲好喎。
最攪笑係超迷你蕃薯，上枱唔知係乜，以為上錯。兩粒串埋一齊。又大鄉里啦！我未見過咁細隻蕃薯，唔知邊度有得賣。唔知係咪細嘅原因，蕃薯特別甜。Encore咗。
火灸海鰻和火灸組長蝦，很香鰻魚醬帶甜。
叫咗义燒拉麵，唔記得大特寫大大嚿的厚切义燒添，拉麵有點像意粉，飽肚，仲有好多紫菜。
仲食咗碗好好味的蟹粥，又唔記得影相，蟹粥好多材料，好多蟹羔。 天婦羅通常食蝦實無衰，大蝦天婦羅，無揀錯，不過如果隻蝦大隻啲就更好。
嘩！嘩！嘩！有驚喜！黃金蝴蝶蝦，好好好味，一定要叫，香脆熱辣辣！！！
蟹棒天婦羅是蟹柳，無乜特別，不過我種意呀嘛。吓?第一次見香蕉天婦羅，又睇睇係乜東東先，每件約是半隻蕉，哈哈，又幾好食喎，甜中帶酸，如果隻蕉生啲就爽啲。
燒菠蘿又係第一次食，大大件，不太酸，好好味。
食淨兩隻魚生才記起影相。 帶子是橫切的，細細片，幾好味，新鮮。
但也不及組長蝦，好甜。超正。 甜品本來想食四方果啫喱，不過賣哂，改了朱古力雪條都幾好，唔會太甜。
Other Info. :
好像大約200 大元一位，下次叫多啲人，齊齊摸住酒杯底吹水。
仲有冇影相的炸蠔非常好味，推!！！
(The above review is the personal opinion of a user which does not represent OpenRice's point of view.)
Post
