茶屋町 (長沙灣道) (Closed)

去開深水埗，試下呢間留意左一排既「茶屋町」門面已經好有日式既感覺入到餐廳仲有好多日本動畫既poster同擺設！店舖雖然唔大，但氣氛係一間溫馨小店😇坐低之後侍應好快已經拎兩杯熱茶過黎呢度係用qrcode落單，簡單快捷！我地點左兩個主食同一個小食～薄燒牛肉丼牛肉好香肉質爽口，有牛肉燒汁撈飯，真係好惹味，加上有啲海苔鋪面，更有日式丼飯既感覺😆仲有個細細碟既蛋沙律附送～汁燒雞扒烏冬烏冬煙韌，湯底簡左咖喱，係濃濃既咖喱味，但味道偏向少少咸～雞扒肉質都係滑的，仲有份量超多～炸南瓜薯餅雖然係小食，但絕不馬虎，新鮮熱辣辣上台，佢係濃郁南瓜同偏甜少少既小食，呢個好好味！其實價錢都相當化算，因為份量好飽肚！