黑木 (Closed)

今日去咗黑木試佢哋嘅串燒Omakase ，廚師好細心，每一道菜上既時候隻碟都係熱嘅，保持住食物嘅熱度，唔會令變碟影響食物嘅味道。我最鍾意食就係牛舌拖羅同埋燒白鱔。牛舌拖羅最後嗰一塊因為皮既部份比較多，所以燒得非常有牛味，食完之後仲有淡淡的餘香係個口入面。另外燒白鱔都係十分之值得稱讚，因為廚師係將白鱔蒸完再燒，令到佢好鬆軟，有少少似食緊疏乎厘咁樣。好特別嘅一道菜就係燒豬肉包萵筍，佢係拼咗長洲買返嚟嘅蝦醬，所以食緊日式串燒之餘覺得有一點點嘅香港味道。燒菠蘿都係十分之好食，廚師好用心咁燒菠蘿燒咗差唔多成15分鐘，焦糖面令到菠蘿食落去好脆，入面有好多汁。真係令人回味啊！總括來講呢一餐飯有少少似港式又有少少似日式，最後埋單大概$700一個人再加一，有點少貴，但都可以一試。