曜 (Closed)

突如其來的一天假期～即興約左我媽去食日本菜，享受一下悠閒的午飯時光！餐廳裝潢是日本武士做主題，有2張卡位及L 字形Bar 枱，每份午市套餐都配有前菜（花膠雞湯凍）、鯛魚湯和茶碗蒸，而且服務員很細心講解，好有禮貌。A4 和牛丼 $188和牛非常軟滑無筋，配上特製燒汁，好有風味，中間仲有洋蔥中和一下油膩感，而黃色既飯係用牛油炒過，非常有風味。壽司定食（10件） $328分別有赤蝦、拖羅、鯖魚、蟹肉海膽、金目鯛、赤身、鰈魚、魴鮄、帆立貝等款式，鰈魚有醬油灸過，香味十足，而拖羅已挑袪魚筋，金目鯛和魴鮄都口感很好，蟹肉海膽都好濃味，總結全部味道都好食。刺身定食（6點）$468有赤身和大拖羅、鯖魚、赤蝦、灸燒喜之次、帆立貝和真鯛，刺身味道和壽司相若，屬於高品質。另外都係配埋牛油炒飯。另外講埋午餐包埋既配菜，花膠雞湯凍幾開胃，因為落左d 醋，而鯛魚湯係白色好濃既湯，好鮮甜！茶碗蒸味道都好好，上面有蟹肉同甜甜的栗子，我最鐘意甜甜風味既，所以評分好高。食評總結，餐廳環境舒適，用餐位置闊落，食物品質都唔錯，最岩悠閒唔趕時間慢慢食。