相馬日式火鍋 (Closed)

趁住放新年假前就約左幾個朋友來荃灣呢間食火鍋放題。我地大約六點幾七點來到，仲未係太繁忙嘅時段。窗邊嘅卡位得一個爐，所以坐窗口位係兩個人share一個鍋，坐中間嘅話就一人一鍋形式。我地四個人所以簡左坐係中間，座位闊落，坐得舒服D。我地簡左個美國頂級牛小排放題火鍋。坐低後首先簡湯底，我自己選左番茄湯底，其他朋友分別叫左豚骨湯、牛乳湯同黑豚湯底。個湯好快就滾起。番茄湯嘅味道比起其他湯底濃，加上酸味比較開胃所以食火鍋放題就o岩曬！除左肉同海鮮要叫侍應拎來之外，其他菜、丸、烏冬都係出去自己拎。好新鮮嘅海鮮，擺盤都擺得好整齊。帶子煮熟完好鮮甜，蝦同生蠔都唔錯。豚肉、牛肉同雞肉個色澤睇落好新鮮。煮熟後，所有肉都好軟滑，好易咬開，一d都唔韌。丸方面種類非常豐富，魚蛋、牛丸、蝦丸、芝士丸都有。我最鍾意食芝士丸，外皮係炸皮，一咬d汁就咇曬出來，好好食！呢度嘅豆腐非常滑，好似山水豆腐花個種質感，我地食左好多件！！