鍋處

Open Now

Now Closed

响冇被徵詢同意既情況下，餐廳員工安排咗兩張四人枱畀我地一行七人。我地諗住泊埋兩張枱七個人一齊坐，點知啲員工先出聲話枱唔郁得。。。由頭到尾都冇任何員工詢問我地接唔接受分開坐，完全係先斬後奏。 七個人一齊食飯都想傾吓計，所以途中我哋有調過位同其他人一齊坐。點知唔夠五分鐘，就有員工同我地講因為調咗位坐所以要劃一收費。經理對食客「犯規」嘅敏感度非常之高。成個用餐感覺就係員工對餐廳規則（員工會不斷提醒我哋注意爐頭既火力 火鍋既水位）非常之執着，執着到影響食客嘅體驗。如果你冇以上既覺悟，我建議你千祈唔好去食。