Video
Read full review
2024-12-07
0 views
香港有得食炸串嘅地方唔多，今次嚟到銅鑼灣呢間居酒屋，唔單止炸串，其他菜式都出色。🥢前菜金平牛蒡爽口，甜甜地幾開胃。雞蛋沙律相對清淡啲都唔錯。🍣刺身三點木盒擺盤好靚，啱哂打卡，刺身三點分別有三文魚、油甘魚同鯛魚，食落幾鮮味。🐙鐵板海鮮明太子私心推介！啖啖都食到明太子嘅顆粒感，再加上蛋黃、沙律醬、章魚、紅薑等配料，呢個組合冇得輸，好滋味!炸串呢度嘅招牌菜炸串當然係必食，炸皮做得幾好，厚薄適中，醬汁酸酸甜甜咁開胃又解膩。💫子持昆布 : 呢款昆布係會有啲鯡魚卵黏咗上面，食落啖啖鯡魚卵，口感唔錯，推介！🐟三文魚芝士： 炸完出嚟啲三文魚肉仲幾嫩juicy。🐔雞柳伴紫蘇： 雞柳肉質結實但唔鞋，加上有紫蘇葉同醬汁提味更有層次🥚日本雞蛋豬肉卷： 食嗰陣要小心! 炸完都仲好流心！🍅迷你蕃茄：幾清甜🐟多春魚： 炸得夠乾身香口🍺蜜桃泡沫啤酒 & 橙皮泡沫啤酒表面嘅「泡沫」係啤酒味嘅綿滑沙冰，感覺順滑。啤酒就飲得返蜜桃/橙皮味，感覺幾夾，而且唔係糖漿/藥水味嗰種。🍲博多牛腸鍋二人份（味噌湯底）湯底可以揀鹽/醬油/味噌，湯底牛味重，加上味噌味道更濃郁，有埋明太子感覺升華咗。牛腸嘅油脂好香，芽菜同韭菜索咗湯汁不得了
香港有得食炸串嘅地方唔多，今次嚟到銅鑼灣呢間居酒屋，唔單止炸串，其他菜式都出色。
🥢前菜
金平牛蒡爽口，甜甜地幾開胃。
雞蛋沙律相對清淡啲都唔錯。
🍣刺身三點
木盒擺盤好靚，啱哂打卡，刺身三點分別有三文魚、油甘魚同鯛魚，食落幾鮮味。
🐙鐵板海鮮明太子
私心推介！啖啖都食到明太子嘅顆粒感，再加上蛋黃、沙律醬、章魚、紅薑等配料，呢個組合冇得輸，好滋味!
炸串
呢度嘅招牌菜炸串當然係必食，炸皮做得幾好，厚薄適中，醬汁酸酸甜甜咁開胃又解膩。
💫子持昆布 : 呢款昆布係會有啲鯡魚卵黏咗上面，食落啖啖鯡魚卵，口感唔錯，推介！
🐟三文魚芝士： 炸完出嚟啲三文魚肉仲幾嫩juicy。
🐔雞柳伴紫蘇： 雞柳肉質結實但唔鞋，加上有紫蘇葉同醬汁提味更有層次
🥚日本雞蛋豬肉卷： 食嗰陣要小心! 炸完都仲好流心！
🍅迷你蕃茄：幾清甜
🐟多春魚： 炸得夠乾身香口
🍺蜜桃泡沫啤酒 & 橙皮泡沫啤酒
表面嘅「泡沫」係啤酒味嘅綿滑沙冰，感覺順滑。啤酒就飲得返蜜桃/橙皮味，感覺幾夾，而且唔係糖漿/藥水味嗰種。
🍲博多牛腸鍋二人份（味噌湯底）
湯底可以揀鹽/醬油/味噌，湯底牛味重，加上味噌味道更濃郁，有埋明太子感覺升華咗。牛腸嘅油脂好香，芽菜同韭菜索咗湯汁不得了。
🫘紅豆年糕
年糕表面微乾, 入面軟熟，紅豆大大粒幾甜，一齊食個甜度balance返。
Post
