Video
Read full review
2023-04-16
760 views
-🍴🍽🍴🍽🍴🍽🍚🍚🍚🍚🍚🍴🍽🍴🍽🍴🍽-餐廳喺地庫，喺入口行樓梯落去有種穿越嘅感覺，好似去咗我嘅家鄉日本咁🥹。座位大部分都係梳化卡位，坐得舒服👍炸物選擇好多，唔止炸豬扒，想咩都試d所以就嗌咗個豐盛餐🤤 。嗌嘢食後店員會比工具你自己磨碎芝麻加去燒汁，✨估唔到黑芝麻配燒汁係咁夾咁好味✨，如果本身中意偏酸嘅醬汁，絕對值得為咗個汁嚟試一試😂。服務方面，店員加茶都好密吓，唔怕食得重口味口渴冇水飲👍 。而且追加前菜小食、椰菜、湯或者飯嘅速度都快，有求必應咁，亦唔會有啲唔好嘅態度令你覺得唔好意思，所以都食得盡興😌。🥢 豐盛套餐 (兩位用) 🆙套餐炸物有: 炸海蝦兩件, 炸豬柳, 炸豬扒, 忌廉蟹肉餅, 炸豬柳卷(味道可揀芝士/露筍/ 紫蘇烏梅)雖然每款每人只有一兩件，但食哂都好夠飽。個人覺得炸豬扒油脂味較重相對上油膩，比較prefer炸豬柳香口得嚟肉質比預期更嫩😗。 炸海蝦都好足料，唔會好似淨係食到炸皮唔見蝦肉咁，加埋忌廉蟹餅creamy 嘅口感，食完真係好滿足！🥢套餐附上免費自由添包括: 🥗未點菜就已經送上餐前小食(醃蘿蔔同青瓜)同椰菜絲沙律，每枱都有柚子醋同日式芝麻醬，自己中意落幾多都得。椰菜絲切
-
🍴🍽🍴🍽🍴🍽🍚🍚🍚🍚🍚🍴🍽🍴🍽🍴🍽
-
餐廳喺地庫，喺入口行樓梯落去有種穿越嘅感覺，好似去咗我嘅家鄉日本咁🥹。座位大部分都係梳化卡位，坐得舒服👍
炸物選擇好多，唔止炸豬扒，想咩都試d所以就嗌咗個豐盛餐🤤 。嗌嘢食後店員會比工具你自己磨碎芝麻加去燒汁，✨估唔到黑芝麻配燒汁係咁夾咁好味✨，如果本身中意偏酸嘅醬汁，絕對值得為咗個汁嚟試一試😂。
服務方面，店員加茶都好密吓，唔怕食得重口味口渴冇水飲👍 。而且追加前菜小食、椰菜、湯或者飯嘅速度都快，有求必應咁，亦唔會有啲唔好嘅態度令你覺得唔好意思，所以都食得盡興😌。
🥢 豐盛套餐 (兩位用) 🆙
套餐炸物有: 炸海蝦兩件, 炸豬柳, 炸豬扒, 忌廉蟹肉餅, 炸豬柳卷(味道可揀芝士/露筍/ 紫蘇烏梅)
雖然每款每人只有一兩件，但食哂都好夠飽。個人覺得炸豬扒油脂味較重相對上油膩，比較prefer炸豬柳香口得嚟肉質比預期更嫩😗。 炸海蝦都好足料，唔會好似淨係食到炸皮唔見蝦肉咁，加埋忌廉蟹餅creamy 嘅口感，食完真係好滿足！
🥢套餐附上免費自由添包括:
🥗未點菜就已經送上餐前小食(醃蘿蔔同青瓜)同椰菜絲沙律，每枱都有柚子醋同日式芝麻醬，自己中意落幾多都得。椰菜絲切得幼細同埋夠新鮮，味道清新爽甜，可以中和番炸物嗰陣油膩味👍 🆙
🍚可以揀白飯/燕麥飯 🆗
🥣味噌湯略嫌太淡 🆗
🌟評價 𝗥𝗮𝘁𝗶𝗻𝗴𝘀🌟
食物 𝗙𝗼𝗼𝗱 7.5/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 7/10
服務 𝗦𝗲𝗿𝘃𝗶𝗰𝗲 7.5/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 6/10
整體 𝗢𝘃𝗲𝗿𝗮𝗹𝗹 7/10
-
🍴🍽🍴🍽🍴🍽🍚🍚🍚🍚🍚🍴🍽🍴🍽🍴🍽
-
🗺 勝博殿日式炸豬排 (銅鑼灣)
銅鑼灣恩平道42號亨利中心地庫
-
#bakdiu日式 #bakdiujapanese #bakdiu灣仔區 #bakdiu銅鑼灣 #bakdiu芝士
Post