東京淺草炸雞專門店 (碧海藍天) (Moved) New Location

今日同阿媽去左碧海藍天，諗住去吉吉島辦年貨。一入門口就見到間食炸雞，上次食過黃大仙間分店一般般，但記得上次阿媽見過幅炸雞山既相就話想食，咁岩見到有就同佢入左去。呢間分店有Drink Bar，$12就可以任飲。我地就無叫廿件炸雞山，我叫左個炸雞定食，嗰3隻醬比得好少，只係岩岩鋪左個底……上次黃大仙間鋪既雞係外硬內軟，不過今次呢間唔同，係外脆內軟非常juicy！終於食到水準了！如果多返少少醬就無咁熱氣了…阿媽就叫左個滑蛋雞，因為本身驚佢皮，所以叫左呢個有啲汁。佢食左都話唔錯，雞本身都夠哂味，另外飯就咁撈蛋同汁食。