燒肉801

Open Now

Now Closed

朋友推介呢間餐廳，主打燒肉套餐，豬牛雞海鮮，另外有主食、小食、甜品同飲料供應😆 環境闊落，空間感幾大，冷氣夠凍，唔怕食完成身燒肉味，另外平日晚市都好多客人，得閒嘅話建議早少少去食呀💕炎盛有胸前牛小排同蔥鹽味雞腿肉，牛肉肥嫩、肉質鮮甜、油花分佈均勻、質地柔軟、牛味幾出，雞腿肉超有驚喜，肉質好嫩、入口即溶、咬落去仲會爆汁、旁邊燒至微微焦香，配埋蔥鹽就perfect了，忍唔住encore咗🤣豚肉盛包括黑毛豚無骨小排、豚香腸同煙腩肉，豚肉薄切、肥瘦適中、微微香脆、鹹鹹哋咁好惹味，香腸好唔好食都幾考功夫、外皮香口、脆身、內裡juicy、絕對唔係一般治癌嘅腸仔咁簡單，好好味😋 煙腩肉仲邪惡，超級厚切、油脂四溢、滿滿油香但食落唔膩，性價比高👌🏻小食有沙律，估唔到咁大碗，裏面除咗有沙律菜之餘竟然仲有溫泉蛋、木魚碎、紫菜同XO醬，強烈建議撈白飯😆 感覺好惹味！個人推介玉子湯，蛋幾滑、配上洋蔥、菇等，湯底清甜唔油膩，睇嚟又可以食多碗白飯🙈 天氣熱辣辣嚟多碗冷麵，檸檬汁酸甜開胃，一啖肉一啖麵中和油膩感，好refreshing！