熊本牛鍋 (永勝商業中心)

Open Now

Now Closed

天氣開始有少少秋意就會想打下邊爐😆依家日式火鍋好盛行，所以我哋今日來試既都係日式火鍋！今次間舖既位置有少少難搵，係樓上舖！間舖就唔係好大不過D位都唔會太迫！今次就揀咗中間價位嘅極級牛小排放題配蘿蔔豚骨湯來試下！牛小排脂肪比例平均，雪花紋又靚及肉味十足，所以都忍唔住叫多咗幾客嚟食！另外仲有加拿大豚肉同美國牛肩胛，兩款肉都係薄切！好快熟！出面仲有其他多款配菜可自行選擇！飲品方面除平時大路汽水外，仲有多款啤酒提供，啱晒我哋一邊飲酒一邊打邊爐，唔飲啤酒汽水都有好選擇，就係佢哋嘅自家制涼茶， 今期係夏枯草，唔知下次再嚟會唔會轉款呢？因為佢哋呢款自家涼茶又唔太甜，啱晒想打吓邊爐期間突然想健康一吓嘅我🙈