牛角次男坊 (Closed)

咁收工約左friend行下街，去邊好，咁去九龍灣淘大果邊，出名多嘢食，多餐廳嘛。食完飯，大家仲可以行多一陣donki 實行hea多一陣先返屋企嘛。咁去食咩好呢。太多選擇啦，今次揀咗牛角男次食坊，咁叫左碗燒安格斯牛板肉丼$109，仲唔洗加一服務費。其實佢有青蔥、白蔥（唔食蔥嘅記得要求走蔥）配合牛角自家製醬燒汁，真係牛角餐廳嘅牛肉係特別新鮮，食落啖啖肉，又唔會太油膩。其實佢呢個價錢，係包一罐汽水，同埋會附送一碗麵豉湯，都算唔貴，啲牛肉起碼有質素先。