悅火 (Closed)

媽媽生日帶佢嚟尖沙咀食日式料理慶祝🍾️，喺呢間餐廳食一個火 商務套餐。套餐共有八品，由刺身，燒物，蒸物，漬物，炸物和吸物都有齊，每款都係高水準之作。鮑魚鮑魚切片用醬汁蒸過，非常鮮甜。刺身兩點，鯖魚同油甘魚我都好鍾意食，魚肉新鮮又柔軟。燒物盛 五品係日本迷你蕃薯，牛舌，黑豚五花腩，雞髀肉，魷魚。媽媽話最鍾意食呢個，非常豐富，而且味道好香。😋五花腩非常好食。油脂比例平均，食落去肉唔會好硬。蒸蛋，味道豐富嘅蒸蛋，上湯味道濃郁。漬物非常有營養，味道酸酸地好開胃，青瓜仲非常爽脆。苦瓜有啲苦味，但係令人好開胃。天婦羅丼(小)天婦羅共有三款，蝦，南瓜和秋葵。鯛魚清湯，如香味十足，暖暖哋好好飲