屋子 (Closed)

焙茶小丘 $60三角形小山外觀相當可愛，入邊有四層，包括有兩層嘅慕絲，一層海綿蛋糕同埋脆脆底，慕絲入口幼滑，茶味幾濃，有茶應有嘅甘香。當四層放晒入口，個層次好豐富，更突顯到底嘅脆脆，幾好食😋😋巨峰奶蓋茶 $48 加黑糖珍珠 $5比我想像中細杯，但個擺盤夾埋佢隻杯又幾靚，所以我都原諒咗佢。芝士屬於鹹芝士，味道唔算好膩亦唔算好甜，茶底加入咗提子味係幾特別。另外，佢加入左一粒粒已經搣好曬皮嘅巨峰提子，即刻提升返成杯茶嘅甜味。我另外加咗5蚊黑糖珍珠，珍珠超煮得超林，勁好咬！但黑糖味就唔算好出，同埋記得要攪勻個底再飲，如果唔咪啲糖漿係哂個底，然後就會越飲越甜架啦。整體來講呢杯野都幾好飲，雖然偏甜但仍可接受。另外呢一杯珍珠提子茶係冇飲筒，而係用匙羹一粒粒咁食😂抹茶舒芙蕾 $72疏乎厘製作需時，店員話要20分鐘的製作時間，但其實我哋最終等咗40分鐘😂 上碟係一個杯子疏乎厘同埋一球抹茶雪糕，兩個嘅抹茶味都相當濃！疏乎厘食落口口感濕潤，但係我覺得可以再熟少少😂😂😂總結：店面有超大嘅落地玻璃，附近就係海濱嘅位置。另外一貫佢嘅風格有一部分係榻榻米座位，成件事係幾日系。總括嚟講鋪頭環境係幾舒適，雖然價錢屬於中