東京Kitchen

Open Now

Now Closed

收工買外賣做晚餐，超市旁美食廣場好多選擇，不過啱外賣嘅唔多，呢間個咖哩牛肉飯唔錯，一個大櫃，好光鮮，食物種類多，日本西餐為主！去到櫃臺落單，八達通比錢，店員比單據同一個呼叫器，所以可以行開一陣，等到呼叫器響先返去攞，熱食一袋，蛋糕入紙盒！返到屋企打開！日本咖哩牛肉飯（普通外賣$49）圓型錫紙兜，一半咖哩牛肉，一半飯，白飯雖然凍咗，珍珠米彈牙，咖哩汁好濃，日本人咖哩唔辣，撈飯好食，牛肉係薄肥牛，牛肉味唔重，唔韌！加啲泡菜片，爽口好味，又解膩！正！沙律+餐湯（$6）沙律菜爽脆新鮮，加啲千島醬酸酸地開胃，湯蓋唔受力，爛咗，湯已涼，麵豉味唔重，海帶滑！加點蛋花剛好！日本抹茶蒙布朗蛋榚（$33）賣相幾好，抹茶蓉太甜，甜到食唔出抹茶味！忌廉滑，蛋榚鬆軟！一般！日本草莓蒙布朗蛋榚（$33）肥髀食！佢話好味！店員有禮，美食廣場都有好味的！