御前牛盛日式涮涮鍋 (Closed)

一班朋友咁耐無見，就約咗朋友出黎打邊爐聚聚舊。為咗方便同就腳就係旺角搵咗呢間御前牛盛日式涮涮鍋黎試下。本來食過牛陣個啲邊爐諗住黎黎去去都係咁，點知竟然有驚喜。係食之前，先講一講環境方面，地方尚算闊落，大部分都係卡位黎。對比起旺角其他餐廳來講算唔錯。我地一坐底就睇下menu，有鑑於以前成日打邊爐食得太重口味見佢有個清淡啲昆布湯底就決定試下。食物同味道方面，個人認為真係唔錯。特別值得一讚嘅係各式蝦。除咗新鮮之外，最重要嘅係送黎個陣已經無哂穀，最啱鍾意食又懶得自己整or 覺得落手好冇儀態嘅朋友。魚生又夠厚同多，又無雪味，而且每次落完order都唔洗等好耐就已經送上黎，唔會要你等。整體來講係一間令人滿意，適合親朋好友同一家大細黎嘅日式邊爐。