牛極 (雅怡居)

Open Now

Now Closed

依家市面上都幾多鐵板牛下，最出名就不過於三XX，但呢間出左無耐既，叫牛極，其實都幾抵食，性價比都比較高既個人認為。環境方面，真係一改鐵板牛既一貫作風，唔會全部都係吧枱，無計喇，因為吧枱夠慳位，大大食完又可以食多轉客，但個客就會食得好辛苦下，仲同隔離逼住逼住咁食，但今次呢間就用返正常size既枱，坐得真係舒服好多，而且同朋友黎都可以4人座位式咁傾下計，呢個絕對係值得一讚既地方！！牛既質素都幾唔錯，夠raw夠新鮮，食落都幾有牛味，最緊要係佢有岩鹽比你調味，真係增加左唔少牛味，而鐵板都夠大塊，足夠燒到大約180g牛肉，建議大家一路食先一路切，咁就唔驚d牛太熟喇，如果塊板唔夠熱，仲可以去換板唔錯！