家賀屋刺身寿司專門店

估唔到10月都仲有風打，打風係屋企悶左兩日，當然要出去食返餐好既，今晚係灣仔食日本野，呢間日本野開左好耐，係老字號。特選刺身盛-時令鮮魚附、時令秋刀魚刺身、九州日之雪花蠔2隻呢個特選刺身盛好豐富，有好多款魚生，有三文魚、吞拿魚、牡丹蝦、魷魚等等，另外仲叫左個秋刀魚刺身，之前係北海道食過，香港比較少地方有得食，仲要正值秋天先有得食，秋刀魚鮮甜，肉質厚實，仲有日之雪花蠔口感爽口，帶點海水味，好新鮮。阿波尾酢橘半熟雞肝串第一次食半熟既雞肝，口感比較軟熟，水份比平時全熟既多。味琳魚翅乾魚翅乾煙煙韌韌非常有口感，吃時蘸些沙律醬，風味十足薄燒牛舌牛舌非常薄身，牛味香濃，食落非常有口感。亂切冷蕎麥麵蕎麥麵一般配冷麵汁、芥辣、蔥，今次這款還加入蛋黃，令到蕎麥麵口感更幼滑。花之戀、黃金舟黃金舟原來是用腐皮取代紫菜用黎做壽司，上面鋪滿三文魚。