一本食堂

Open Now

Now Closed

觀塘鴻圖樓最近翻新左，上了去三樓《一本食堂》。呢度佔地 3000尺，座位濶落。一入到來見到日系吊燈、樱花裝飾和木系枱櫈，充滿日系風格。食物方面，主打日本菜式亦有任食火鍋供應。昨晚我打過邊爐，所以今日我選了嚟食日本菜。刺身生蠔|蝦|角魚|金木鵰生蠔有海水味，蝦味鮮甜，角魚Q彈，金木鵰夾口嫩溜。壽司點左鰻魚壽司，成尺長感驚喜，打咭一流。醬汁滋味，肉質爽嫩且冇骨。食完咁長嘅鰻魚，真是非常滿足。串燒磨菇串燒|翠肉瓜串燒|牛舌串燒|豬肉串聯蔬菜類新鮮，牛舌有嚼勁，豬肉味香濃。每枱嘅枱面放有一支日本鹽和七味粉，把呢d調味料灑上串燒一齊吃，滋味無窮。熱食肥牛野菜葛絲鍋加稻庭烏東~奶油色嘅湯底是用豬骨慢熬而成，面除了有肥牛外，仲有蜆、金菇菜和冬茹。豬骨湯底煮到以上食品非常入味，令其添上多重滋味。