餃餃餃子 (Closed)

好朋友好中意食餃子，所以為左佢開心，就搵左哩間專食日式餃子既餵飽佢！哩到食既係正宗既日本餃子，係日本都有好多間分店！ 最特別既係ShakeShake餃子，平時食ShakeShake薯條就多，估唔到餃子都shake得，有3隻味既粉可以揀既 (梅子鰹魚·醬油牛油·粟米濃湯)。中意食辣既可以試下 激辛餃子，因為真心係好辣下，連我自己咁食得辣都覺得辣！不過辣得黎都好香既.. 如果有選擇困難症既可以試下 4種盛合，簡單方便又快捷，唔洗揀黎揀去又可以試哂4種味，不過哩個既餃子食落就林身啲濕啲，唔同其他既煎餃咁乾..雖然餃子先係主角，但係都不得不提下個鰻魚飯，細細碗但係絕對足料味道亦唔錯，唔會食完碗飯就食唔落其他野！