餃餃餃子 (Closed)

19:00過到去已經有人排緊隊，不過好在好快有位，餐廳人流好旺，來來去去回枱回得好快。食物每樣份量不多，可以選擇更多款式，簡單食個晚餐既最佳之選。朱古力餃子雪糕～我要特別介紹下這個讓我心動既甜食，餃子皮包住熱既朱古力粒，配上軟滑雲呢拿雪糕，食落好溫暖，大愛！蟹肉忌廉薯餅～薯餅入面有好足料既忌廉蟹肉蓉，味道好香，外皮好脆又夠熱。Chao Chao一口餃子～細細粒，容易食，煎到乾身，個底部脆卜卜，但一點都不油膩喔！個人覺得點小小味噌醬汁黎食更加好味！生姜餃子～加小小檸檬汁，帶出好濃烈既生姜味道，又不會有辣既感覺。活乳酸燒酎梳打&西柚燒酎梳打～燒酎味唔濃，西柚梳打比較清新，乳酸甜甜的幾好飲。