九州鯛魚 (Closed)

行過見到呢間新開嘅日式鋪頭，門口仲貼住試業中。大膽嘅我提議同朋友一齊試吓佢。環境裝修都唔錯，好有日本風格。佢啲位一格格，如果自己一個人嚟食都唔會怕尷尬。 不過可能太新，問侍應有啲咩好介紹嘅時候佢好似唔係好講得出。其實都唔緊要嘅，等我自己研究下餐牌啦。 我試咗佢個豬軟骨鯛魚湯烏冬。而朋友仔就試咗佢個波士頓龍蝦鯛魚湯烏冬。豬軟骨好淋好入味，其實我本身唔係好鍾意魚湯，因為怕好魚腥。但係呢個湯令我有驚喜。有鮮味，唔錯唔錯。另外朋友仔試嗰波士頓龍蝦🦞，龍蝦好大隻，好友看頭，好多肉。性價比十足。我覺得今次都係一個唔錯嘅嘗試。你覺得魚湯麵留下好嘅感覺。如果有機會我一定會再試下。