Video
Read full review
2021-09-09
411 views
今日要嚟金鐘做嘢，由於午膳時間只得一個鐘，唔想行太遠，所以近近哋走咗去海富中心搵食。本來仲諗緊食乜嘢好，竟然畀我哋喺商場二樓搵到「和田便當」。呢間舖頭之前喺數碼港幫襯過，店裡的飯盒做得很不錯，有營養又健康，啱晒我倆口味。店舖逢週一至週五，每日都會有 5-6 款唔同嘅便當供應，而且每個星期都會轉換餐單，以保留新鮮感。菜單會預先擺咗上網頁，客人可以提早於網上預訂，當然亦可以好似我哋咁，喺便當自動販賣機隔離嘅屏幕，即場選購，既快捷又方便。一人揀咗一款，兩個飯盒都包裝得很精美，賣相高檔，而且拿上手時仍熱辣辣。據說便當的紙盒是由甘蔗漿製造，在高溫下也不會釋出有毒物質，可自然分解，有效降低環境污染。今次揀咗韓風烤牛肉 同 蒲燒鰻魚，前者用料好慷慨，除了有大量薄切牛肉片外，仲加入咗唔少時令食材。牛肉醃得好入味，入口軟腍，啖啖肉。連伴菜都好有水準，洋蔥微甜多汁、配上爽口嘅蓮藕和嫩滑玉子，營養豐富，夠晒健康。至於另一盒蒲燒鰻魚，賣相亦十分誘人，塊鰻魚好厚身，肉質肥美，油脂嘅香味完全迫晒出嚟，入口一點也不腥，醬汁很香甜，連埋啲蛋絲一齊食，可口味美！連配菜都有心思，有車厘茄、西蘭花、蓮藕片等，營養均衡，一點
本來仲諗緊食乜嘢好，竟然畀我哋喺商場二樓搵到「和田便當」。呢間舖頭之前喺數碼港幫襯過，店裡的飯盒做得很不錯，有營養又健康，啱晒我倆口味。
店舖逢週一至週五，每日都會有 5-6 款唔同嘅便當供應，而且每個星期都會轉換餐單，以保留新鮮感。
菜單會預先擺咗上網頁，客人可以提早於網上預訂，當然亦可以好似我哋咁，喺便當自動販賣機隔離嘅屏幕，即場選購，既快捷又方便。
一人揀咗一款，兩個飯盒都包裝得很精美，賣相高檔，而且拿上手時仍熱辣辣。
據說便當的紙盒是由甘蔗漿製造，在高溫下也不會釋出有毒物質，可自然分解，有效降低環境污染。
今次揀咗韓風烤牛肉 同 蒲燒鰻魚，前者用料好慷慨，除了有大量薄切牛肉片外，仲加入咗唔少時令食材。牛肉醃得好入味，入口軟腍，啖啖肉。連伴菜都好有水準，洋蔥微甜多汁、配上爽口嘅蓮藕和嫩滑玉子，營養豐富，夠晒健康。
至於另一盒蒲燒鰻魚，賣相亦十分誘人，塊鰻魚好厚身，肉質肥美，油脂嘅香味完全迫晒出嚟，入口一點也不腥，醬汁很香甜，連埋啲蛋絲一齊食，可口味美！連配菜都有心思，有車厘茄、西蘭花、蓮藕片等，營養均衡，一點也不馬虎。
Post
