三木日本料理 (Closed)

上回講到我史提芬周最憎食放題走單，今鋪食三木，真係打個突，任食新鮮馬冀海膽都算，見到帶子刺身，大過品客曾俊華，對面嗰位阿生，額有朝天骨，眼裡有靈光，仙人轉世，神仙下凡咁款，大叫，我終於等到你了,不要走！！！！食放題食到咁，我都明嘅，香港地，有任食海膽，咁鮮咁甜，唔腥喎，真係無幾間做到。 帶子又大又厚肉，仲唔係開邊切，okok, 我無嘢彈，法官大人。雖然我影左咁多相，洩露天機，災怯難免，但是我命中註定，就算我要冒天大的危險，我也要給你看個全相，因為呢d 食物太吸引， 點搞呀。 三文魚，少食，滑溜，鮮甜，n年無喺放題食過咁正嘅魚生。對面位阿生，同我一樣，有米到肚事大，整碗鰻魚飯，掂當，魚滑，燒汁撈飯都正到哭出嚟。食完先醒起未映，sor記。再講下其他嘢，牛舌，都係比唔上牛角，差d d , 真係可惜。甜品賣相似乎唔錯，入口味道，甜得嚟唔會太甜，糖尿，使乜驚！ 督穿cream brulee 個焦糖面，卜卜聲，無得彈啦。三木價錢都均真，2百3蚊，食到5碟海膽壽司都圍到皮la, 如果月頭銀根鬆動，俾多少少錢，食好d, 食好好多，使乜驚