佳佳甜品

Open Now

Now Closed

話說呢日食完晚飯之後，有啲意猶未盡，好想食下甜品，喺佐敦其實都有好多唔同嘅甜品舖，有中式有西式，但係如果講到出名嘅，都算係呢間啦，因為每晚嚟到都見到佢大排長龍，每次都冇辦法可以坐低堂食，都要嗌外賣，但係嗌外賣又唔使等好耐，都幾有效率，佢甜品款式又唔算好多，價錢亦都幾大眾化，好多都係廿幾蚊就有交易，有啲食材貴啲就三十幾蚊，今次我哋就嗌咗一個紅豆沙配芋蓉，坦白講紅豆沙有少少稀，麻麻哋，不過好在芋蓉食落就唔係好滯，整體配合都算可以，另外嗌咗一個春蛋燉雪耳，呢個就真係唔錯啦，一嚟個賣相靚，二來個雪耳糖水飲落好清香，好清甜，感覺非常之好。