日日涮 (Closed)

之前幫朋友搬屋，又一齊格價添置新傢具，新屋終於裝置好，朋友就同咗我去創興嘅日日涮，請我食放題打邊爐。店員手腳動作極快，set位，落單，上菜都好快手，務求可以盡快開餐，所以120分鐘，夠時間有餘。四款牛肉級數，不同價錢。見佢嘅夜割價錢幾抵食，地方大，座位多，打算下次可以試下宵夜時段再嚟開餐。湯底8款，有鰹魚昆布湯，骨膠原雞湯，泡菜豬骨湯，日式壽喜燒，小魚蕃茄湯，日式和牛清湯，四川麻辣湯同日式豆乳。多款調味料，調味吧清潔乾淨。大量飲品，啤酒，汽水，熱茶都有，均以自助形式。左上 : 澳洲和牛左下 : 特級美國肥牛右上 : 美國頂級牛小排右下 : 黑毛豬豚肉及雞腿肉肉類新鮮，留意返，每追加一碟牛都會跟一碟黑毛豬豚肉及雞腿肉，所以落單時要注意份量，食得哂先至好嗌呀！按人頭提供嘅限量海鮮盤，款款新鮮，味道鮮甜。刺身同樣新鮮，仲可以無限追加。蔬菜，菇類，丸腸，粉麵，多款大量供應。仲有炸物同前菜😋😋最後仲可以揀一杯Haagen Dazs 或者Movenpick做甜品🥰