Video
Read full review
2016-06-18
6509 views
星街日街，行到月街，會見到有間外國小店，店面帶美國風，舊舊地有啲工業味，而店名下面有幾張凳，好似叫你埋泥坐吖咁。入到去有張bar枱，open kitchen擺滿啲酒樽、調味料樽，加埋個磚牆，外國味好重。週末難得無人，「正呀包場～」即刻揀左張大梳化嘆，好開揚好闊落，對出就係露天位，未order已經好寫意。慢慢睇下個burger menu，其實得一版紙，俾你自由配搭，點左兩款漢堡同手工啤酒。啤酒泥喇，金黃色嘅飲品，望落總覺得係甜嘅，飲落又無乜澀味，cheers～魚柳包配蜜糖芥辣醬，手痕加左個牛油果醬，魚柳望落同面包皮咁厚，啲醬沿住塊魚柳滴落泥，見到都想食。個包好高身，一啖勉強食晒所有材料，魚肉實淨有質感但唔鞋，粉漿算薄，甜甜地，牛油果醬滑但味道唔突出，夾埋一齊食，好似感覺唔到佢存在咁😂好classic嘅車打芝士牛肉漢堡，加多左個松露醬薯條，連漢堡一齊上，好鬼香～幼薯條鬆脆，就咁都好食，再點一點松露醬，咸咸香香，也不錯。牛肉漢堡賣相較普通，朋友話牛肉都juicy，都好滿意咁話～就係咁坐下坐下，嘆到店員話落場為止～總結呢間型格小店，食物唔算好有特色，飲品偏貴，但整體味道唔錯，反而外國人店員態度
入到去有張bar枱，open kitchen擺滿啲酒樽、調味料樽，加埋個磚牆，外國味好重。
週末難得無人，「正呀包場～」即刻揀左張大梳化嘆，好開揚好闊落，對出就係露天位，未order已經好寫意。
慢慢睇下個burger menu，其實得一版紙，俾你自由配搭，點左兩款漢堡同手工啤酒。啤酒泥喇，金黃色嘅飲品，望落總覺得係甜嘅，飲落又無乜澀味，cheers～
魚柳包配蜜糖芥辣醬，手痕加左個牛油果醬，魚柳望落同面包皮咁厚，啲醬沿住塊魚柳滴落泥，見到都想食。個包好高身，一啖勉強食晒所有材料，魚肉實淨有質感但唔鞋，粉漿算薄，甜甜地，牛油果醬滑但味道唔突出，夾埋一齊食，好似感覺唔到佢存在咁😂
好classic嘅車打芝士牛肉漢堡，加多左個松露醬薯條，連漢堡一齊上，好鬼香～幼薯條鬆脆，就咁都好食，再點一點松露醬，咸咸香香，也不錯。牛肉漢堡賣相較普通，朋友話牛肉都juicy，都好滿意咁話～
就係咁坐下坐下，嘆到店員話落場為止～總結呢間型格小店，食物唔算好有特色，飲品偏貴，但整體味道唔錯，反而外國人店員態度親切，店內外嘅裝修風格，較有賣點，喺度悠悠閒閒坐番半日都咪話唔疏乎～
Post
