Kotori_Lbird

Open Now

Now Closed

一間幾值得推薦嘅小店，隱藏喺工業大廈裏面，如果唔係朋友介紹，真係唔知道有呢間餐廳🙈 由日本廚師主理，乾淨企理既開放式廚房，主打鰻魚飯同烏冬，有唔同Size可以選擇，對於我呢啲胃口細嘅人相當友好。🕊️十蔬雞肉特製烏冬 唔係一般食開既烏冬藜，由於加入咗藜麥嘅關係，口感冇咁QQ，但相對地更健康。第一啖覺得湯底比較淡雅，但慢慢感受到蔬菜嘅清甜味道，一定要趁熱食😋 🕊️山芋炭燒鰻魚飯個飯係重點！真係超級好食！口感有嚼勁，粒粒分明，配搭秘製汁更香甜可口。本身以為自己會唔鍾意山芋黏糊既口感，但配搭米飯出奇地夾。鰻魚份量都幾足料，有炭燒嘅香氣，非常值得試！