Video
Read full review
2022-05-21
3008 views
無得去日本旅行, 成日都想係香港尋找日本既味道, 最近就有日本朋友介紹我地去呢間位於尖沙咀既居酒屋, 平日夜晚未夠7點上到去, 已經得返吧台, 果然大部分既都係日本人, 不停聽到日文交談既聲音! - 鰻魚玉子 ($120)呢個菜係menu上邊見唔到, 不過我地一坐低就見到隔離個日本哥哥食緊, 叫野既時候即刻問下可唔可以叫. 鰻魚好肥美, 襯埋玉子味道好夾! 我覺得比我係日本蓬萊軒食過既更加好食! - 吉列牛肉薯餅 ($70)容許詞窮既我先大句一聲, 真係好好食呀! 外皮超級鬆脆, 入邊既薯蓉好滑好香! 無論就咁食, 配沙律醬定佢地既醬汁一樣咁好食! - 鹽燒鰤魚鮫 ($180)外皮燒到脆卜卜, 一夾開d 魚油就浸晒出黎, 魚油好香好濃, 食完之後個浸魚味成晚都仲留係口入邊! - 自家製日式風味漢堡扒 ($150+$40)其實本身就係比呢個漢堡扒吸引黎既, 塊漢堡扒係佢地自家製既, 食得出同平時個d 好實的的既質地唔同, 肉味都好出. 美中不足既係上邊既菇, 酒味太重, 重到有苦味! 另外, 漢堡扒無跟飯既, 如果想配飯一齊食就要另外嗌白飯（$40).
- 鰻魚玉子 ($120)
呢個菜係menu上邊見唔到, 不過我地一坐低就見到隔離個日本哥哥食緊, 叫野既時候即刻問下可唔可以叫. 鰻魚好肥美, 襯埋玉子味道好夾! 我覺得比我係日本蓬萊軒食過既更加好食!
- 吉列牛肉薯餅 ($70)
容許詞窮既我先大句一聲, 真係好好食呀! 外皮超級鬆脆, 入邊既薯蓉好滑好香! 無論就咁食, 配沙律醬定佢地既醬汁一樣咁好食!
- 鹽燒鰤魚鮫 ($180)
外皮燒到脆卜卜, 一夾開d 魚油就浸晒出黎, 魚油好香好濃, 食完之後個浸魚味成晚都仲留係口入邊!
- 自家製日式風味漢堡扒 ($150+$40)
其實本身就係比呢個漢堡扒吸引黎既, 塊漢堡扒係佢地自家製既, 食得出同平時個d 好實的的既質地唔同, 肉味都好出. 美中不足既係上邊既菇, 酒味太重, 重到有苦味! 另外, 漢堡扒無跟飯既, 如果想配飯一齊食就要另外嗌白飯（$40).
Post
