nana's green tea

Open Now

Now Closed

環境都以日本木系簡約設計為主流，店舖雖然唔算大，但座位都算幾多，當日無需要等位。顧客需要先在外面付錢購買，侍應才會送餐。分為外賣和堂食兩邊，不過大家都唔係好習慣呢個模式所以有點混亂。至於食物，除咗主打嘅 山政小山園抹茶芭菲 /日式蕨餅/軟雪糕之外，還有日式咖喱、烏冬、沙律同丼飯。🌟海老蕃茄豆乳意大利飯好多主打甜品的地方，主食都可能一般甚至難食，但呢間算係不錯。意大利飯夠熱夠綿，豆乳幾香，海老係彈牙的，味道不錯。🌟牛肉壽喜燒丼如果嗜甜的朋友可以揀呢個飯，甜甜地又有滑滑的豆腐同薄薄的牛肉，加上半生熟的溫泉蛋同日本本菇，幾開胃。🌟抹茶白玉芭菲呢個點過軟雪糕差唔多係每枱必叫之選。其實好多款都好吸引，味道係同我哋日本食差唔多嘅。不過😩可能因為試業嘅關係，雖然店舖內有好多職員，但係好多食客都需要等候好長的，而且暫時未用到apps內的優惠券，是有點美中不足。