Gram Cafe & Pancakes (Closed)

食過晚飯後耳猶未盡就行到黎世貿後面，食日本人氣pancake ~Gram!之前尖沙咀店已好想食，可惜人太多就等到第二間銅鑼灣分店先可食到。整間cafe 走綠色田園悠閒風格，燈光明亮，座位都算寬敞。我又忍唔住比夏季香港限定呢幾個字吸引左另外就再叫一個tiramisu 口味。意大利芝士蛋糕班戟$118總共有3塊班戟，中間同底層果塊可以清楚見到班戟滲滿咖啡酒。而中間夾層則為吉士醬。班戟非常軟熟，而夾層吉士醬製綿滑，份量十足。從相片就可以見到唧吉士醬絕不手軟，勁爆多。兩個人食呢個都應該足夠。夏之戀人菠蘿班戟 $108配菠蘿醬同雜果伴碟呢個限定款相比之下就比較的骰少許。呢款班戟較有厚度，像蛋糕鬆軟的口感。中間有一絲絲菠蘿軟心，更可淋上菠蘿醬及底層士多啤梨果醬一齊食。